“عز” يتمسك بموقفه.. والفنّانة زينة: أنت شيطان عديم الضمير

مشاهدة
أخر تحديث : الإثنين 18 يناير 2016 - 6:45 مساءً
“عز” يتمسك بموقفه.. والفنّانة زينة: أنت شيطان عديم الضمير

تمسك الفنان المصري أحمد عز بموقفه السابق من إنكار أبوته للتوأم أبناء الفنّانة زينة، بالرغم من صدور حكم قضائي بإثبات نسبهما له، بالقول: “برضه مش ولادي”، ما اضطر الفنانة زينة لمهاجمته ووصفه بأنه “جاحد شيطان”.

وقالت زينة عبر صفحتها الشخصية بموقع “إنستغرام”: “الحمد لله، بشكر القضاء المصري العظيم اللي اظهر الحق الحمد لله. عاوزة أوضح حاجه علشان الكذب المستمر، الحكم الحمد لله بيعتمد على إثبات الزواج، وبناء عليه تم إثبات النسب. أنا كنت ملتزمة الصمت واتعرضت للإشاعات الحقيرة، وكنت بشوف اللي بيتقال عليا والحقيقة إني كنت واثقه في عدل رينا الحمد لله”.

وأكدت الفنانة المصرية على أن: “الانتصار ده انتصار مش ليا لوحدي ده للستات كلهم. القضية دي في منها كتير بس قضيتي اتحولت لرأي عام، علشان أنا مشهورة والطرف التاني برده، نفسي كل ست مظلومه تاخد حقها حتى لو غلطت واتجوزت واحد عديم الضمير والإنسانية وكداب بس كداب حتى في النفس اللي بيتنفسه، ربنا يكفي كل البنات شر عديمي الرجولة ويكرم كل البنات بناس محترمه تحافظ عليهم، وأكيد في ناس محترمة كتير”.

وأضافت في تعليقها على “إنستغرام”: “يا رب يستر كل البنات ويحفظهم، ربنا أظهر الحق الحمد لله، وأنا عاوزة أعيش وأربي ولادي وأشوف شغلي وأنسى الأيام السودة اللي شفتها من أول الجواز لغاية يوم الحكم، مش عاوزة أسمع اسم أبو أولادي ده تاني، ولا حتى حد يغلط فيه علشان ما يصحش للأسف علشان ولاده، وربنا كبير ولسه حسابه عند ربنا، الله يكون في عونه بقي ساعة الحساب اللي ما فيهاش معجبات”.

وختمت حديثها بمهاجمة أحمد عز مجددا، قائلة: “فرحت الناس بظهور الحق أكتر حاجه حسستني إن الناس معايا أو تحديدا مع الأولاد، مين ممكن يعادي أطفال ويظلمهم غير جاحد شيطان، فرخة حتى ما حصلش دجاجة”.

رابط مختصر